Sakın terk-i edebden kûy-i “Mahbûb-i Hudâ”dır bu
Nazar-gâh-ı ilâhîdir “Makâm-ı Mustafâ”dır bu

Felekde mâh-i nev “Bâbü’s-Selâm”ın sîne-çâkidir
Onun kandilidir hûr matlâ-i nûr u ziyâdır bu

“Habîb-i Kibriyâ”nın hâb-gâhıdır hakîkatde
Tefevvuk-gerde-i ‘arş-ı “Cenâb-ı Kibriyâ”dır bu

Bu hâkin pertevinden oldu deycûr-ı ‘adem zâil
‘Amâdan açdı mevcûdat dü çeşmin tûtiyâdır bu

Mürâ’ât-ı edeb şartıyla gir Nâbî bu dergâha
Metâf-ı kudsiyândır bûse-gâh-ı enbiyâdır bu