Meded Yâ Gavsü’l-A’zam
Pîr Sultân Abdülkâdir
Mevhibe-i mu’azzam
Pîr Sultân Abdülkâdir

Nesl-i pâk-i Mustafâ
Hânedân-ı bâ-safâ
Dürr-i yektâ-yı vefâ
Pîr Sultân Abdülkâdir

Ol sultânü’l-evliyâ
Nüktedânü’l-asfiyâ
Hem bürhânü’l-etkıyâ
Pîr Sultân Abdülkâdir

Mazhar-ı sırr-ı Hudâ
Meşher-i feyz-i ‘atâ
Meş’ar-i pûş-i hatâ
Pîr Sultân Abdülkâdir

İns ü cin oldu hayrân
Melekler kıldı devrân
Arşı eyledi seyrân
Pîr Sultân Abdülkâdir

Bergüzâr-ı Mürtezâ
Rehgüzâr-ı Müctebâ
Gülzar-ı Âl-i Abâ
Pîr Sultân Abdülkâdir

Aşkî kurbân yoluna
Dergehinde buluna
Himmet eyle kuluna
Pîr Sultân Abdülkâdir