Abdullah Tamamlar-Estağfirullah

Di ey mü’min beher ân her zamân estağfirullah
Olur mağfûr dimekle müznibân estağfirullah

Emândır ümmete çün ki bu istiğfâr muhakkak
Di istersen ‘ukûbetden emân estağfirullah

Sever Hakk sâili eyle taleb gufrân u rahmet
Günâhın çok ise de di hemân estağfirullah

Lisân söyler demâdem tercümân kalbde olanı
Disin kalb dâimâ dahi lisân estağfirullah

Hudâ’nın rahmetinden kesme Kuddûsî ümîdi
Di kim mağfûr olasın bî-gümân estağfirullah