Abdullah Tamamlar-Siva Nakşıyla İtme

Sivâ nakşıyla itme kalbimi büthâne yâ Allah
Sana ol âşinâyı eyleme bîgâne yâ Allah

Yanup hâkister oldum âteş-i ‘aşkınla zerrâtım
Yine oldu çerâğ-ı mihrine pervâne yâ Allah

Revânım tâir-i kuds u cenâhı evc-i vaslındır
Has u hâk-i siyeh-dân içre tutdu lâne yâ Allah

‘Aceb mi cür’asından nûş idenler olsalar sermest
Derûnum eyledin çün ‘aşk ile meyhâne yâ Allah

Kelâmım feyz-i âb-ı çeşme-sâr-ı Hızr-ı ma’nâ kıl
Ki içsün teşne-diller anı kana kana yâ Allah

O dil kim erre-i mihrinle sad-çâk oldu ser-tâ-ser
Ser-i zülf-i sürûşâna anı kıl şâne yâ Allah

Olurlar velvele-endâz-ı ‘arş-ı târem-i a’lâ
Diyenler vecd u hâlât ile ser-mestâne yâ Allah

Serâzâd eyleme zencîr-i şevkinden dil-i Şems’i
Senin dîvânına durmuşdur ol dîvâne yâ Allah