Devâsı var kamu derdin devâ-yı zenbdir istiğfâr
Devâm eyle ana her gün ki itsin mağfiret Gaffâr

Hadîs mefhûmudur evvelki mısra’ hem sahîhdir bil
İder imiş anı yüz kerre her gün dost-ı Hakk tekrâr

Ne devletdir ne ni’metdir bize Mevlâ anı virdi
Bilüp kadrin idelim dâimâ anı hemîn iksâr

Dahi her gün ü her gice salât ile selâmı biz
Şefî’ü’l-müznibîn yâr-ı Hudâ’ya idelim her bâr

Olalım her zamân tevhîde meşgûl sıdk u şevk ile
Tarîk-ı evliyâyı itdi Kuddûsî size izhâr