Niçe bir nâr-ı gamında yanayım
El-amân ey Fahr-i ‘Âlem el-amân
Şem’-i ‘aşkında yanar pervâneyim
El-amân ey Fahr-i ‘Âlem el-amân

Bir tecellî itsen ey yüzü sulu
Çeşmim olsa ruhlerinle rû-be-rû
Niçe bir bu iştiyâk u ârzû
El-amân ey Fahr-i ‘Âlem el-amân

Ravzana her dem olup hasret-nigâh
‘Andelîb-i dil ider derd ile âh
Olmasın cürm ü günâhım sedd-i râh
El-amân ey Fahr-i ‘Âlem el-amân

Bûy-i bürden alsa bir ehl-i nemed
Soyunup ne cân kalır ne hod cesed
Gark-ı hûn-âb oldu çeşmim el-meded
El-amân ey Fahr-i ‘Âlem el-amân

Mihr-i rûyinle münevverdir zemîn
Şem’-i ‘aşkınla yanar çarh-ı berîn
Kıl nazar Hakkı kula ey şâh-ı dîn
El-amân ey Fahr-i ‘Âlem el-amân