Meyhâne-i vahdetde mestâne döner sâkî
Şem‘a-i muhabbetde pervâne döner sâkî
Dolmuş ayağı elde zevkı bulunur dilde
Bu bezm-i mey ü mülde rindâne döner sâkî
****
Dil zevrak-ı zevk olmuş deryâsına hem dalmış
Sâkî yine zevk almış zevkāne döner sâkî
Bezm içre safâ bulmuş meydân-ı muhabbetde
Cân câm-ı mey-i vahdet şâdâne döner sâkî
****
Târik-i sivâ olmuş lezzet-i rûhu bulmuş
Feyz-i Hak ile dolmuş handâne döner sâkî
Ders alur men arefden Lutfi al bu şerefden
İrşâd ol her tarefden irfâne döner sâkî

Alvarlı Efe Muhammed Lütfi Hazretleri