Nehr-i hûn etdi bugün bu dîde-i giryân beni
Çâr-taraf seylâba verdi aldı âhir kān beni
Tîğ-ı tîz bir mîr-i kallâş katlimi kasd eyledi
Bir kerem-şân isterem ki eyleye pünhân beni
****
Özge bir mahbûb-i manzûr etmeğe yokdur mecâl
Öyle etmiş gül-ruhinde güllere hayrân beni
Kâkül-i gülbârı kıykâc zer-külâhdır sevdiğim
Kays-veş etdi bu sevdâ dillere destân beni
****
Cismimi setr eylemiş dâğ-ı derûnum penbesi
Dîde-i ağyâr hergiz görmeye uryân beni
Âteş-endâz dillere bir şûh u şeng bendindeyim
Lutfiya seyret ne yapdı çarh-ı sergerdân beni

Alvarlı Efe Muhammed Lütfi Hazretleri