Sana âşık olan diller niderler hûr u gılmânı
Cemâlin seyreden gözler n’iderler bâğ-ı rıdvânı

Şerâb‐ı ‘aşk ile sekrân olup her birisi mestân
Visâlin gülüne hayrân olan neyler gülistânı

Koyanlar ‘akl u idrâki olur mu kimseden bâkî
Yakup bu sîne‐i çâki düşer âteşlere cânı

Bu nâr‐ı ‘aşka yananlar bihâr‐ı şevka dalanlar
Gözünden yâş ile kânlar akan bulmaz mı sen hânı

Niyâzî kaldı hayretde yanar dil nâr‐ı firkâtde
Düşen bu dâr‐ı gurbetde dün ü gün eyler efgânı