Acebdir ma’den-i müşgîn cihânı müşg -bâr etmez
Visâl-i teşnesine rahmedüp ümmîd vâr etmez

Kerem-rûluk edüp düsmânlarına kahredüp dosta
Ne hikmetdir o mehrû-veş adûsun şerm-sâr etmez

Murâd dildârını âşık gönülde gün gibi görmek
Ki tasvîrde olan sûret cemâl-i câne yâr etmez

Kebûter ger getürse nâme-i cânânımı câne
Görür eflâke yetmiş dûd-i âhımdan güzâr etmez

Selâm-nâme-i dildârı dile LUTFÎ bilen tuhfe
Dil-i şeydâ hayâl-i yârsız bir an karar etmez