Âyîne-i İlâhî dîdâr-ı evliyâdır
Bu âyîneye gel bak cân-ı cihân-nümâ’dır
Bakdıkça âfitâba bakmak ana revâdır
Aksini aya salsa bakmak ana revâdır
Bir mürşid-i kâmile teslîm-i cân ü dil kıl
Zîrâ ki mazhar-ı Hakk hem sırr-ı evliyâdır
Nitekim sende senlik vardır ana varılmaz
Yok yere dökme yaşın tâatlerin hebâdır
Dünyâda görmeyenler hiç görmez âhiretde
Aç gözünü ana bak bu kavl-i Mustafâ’dır
Benden sana nasîhat sen senliğini terk et
Varlık ana yaraşır ez-gayr-i Hakk fenâdır
Seyyid Nizâm Oğlu’nun aşkdır murâdı Hakk’dan
Aşk olmayan ameller hep cümle mâsivâdır