Gelin ey dostân isteyelim sıdk ile Mevlâ’yı
Olup ol matlabe tâlib koyalım gayrı sevdâyı

Hakîkat üzre eşyâyı görüp bilmek nasîb ola
Mecâzî mevce bakmayıb bulalım asl-ı deryâyı

Rizâsı dûruna varan cemâli nûrunu gören
Hitâbı zevkine iren eder özge temâşâyı

Şular kim ehl-i kâl oldu seni bilmek mehal ( muhâl ) oldu
Meğer ‘akl-u ikal oldu kodu hayretde dânâyı

Geçüb varlık hicâbından varan vahdet serâyına
Erişir “kâbe kavseyn”e bilir sırr-ı “ev ednâ”yı

Hüdâyî’ye bu yollarda hidâyet rehber olursa
Olur maksûduna vâsıl bulur lâbud müsemmâyı