Ey pâdişâh-ı bî-vezîr
İhsân cenâbından senün
Ey bî-şebîh ü bî-nazîr
İhsân cenâbından senün
YÂ ALLAH HÛ ALLAH

Her şeye sen verdin vücûd
Cümle sana eyler sücûd
Cânım seni kılsın şuhûd
İhsân cenâbından senün

Kapındaki bîçâreler
Koyub ya kande vâraler
Ayrık kime yalvâraler
İhsân cenâbından senün

Her emri tedbîr eyleyen
Eşyâya te’sîr eyleyen
Cân-u teni bir eyleyen
İhsân cenâbından senün

Senden Hüdâyî ey Kerîm
İster sırât-ı müstakîm
Sensin çü Rahmân ü Rahîm
İhsân cenâbından senün
YÂ ALLAH HÛ ALLAH