Bize bizden olan yakîn ve karîb
Koma firkat elinde bizi garîb
Kereminden visâlin eyle nasîb
Meded et yâ enîs e küll-i garîb

Çün emîn eyledin emânetine
Yine sen lâyık eyle hizmetine
Mazhar et rahmet ü inâyetine
Meded et yâ enîs e küll-i garîb

Destgîr olmaz isen ey Rahmân
Azdırır bizi nefsile şeytân
Sen esirge efendi bizi hemân
Meded et yâ enîs e küll-i garîb

Enbiyâ gördüğü atâlar içün
Evliyâ sürdüğü safâlar içün
Ehl-i derde olan devâlar içün
Meded et yâ enîs e küll-i garîb

Gerçe hoşdur efendi sabr-ı cemîl
Zuefâda velî bizâe kalîl
Kerem et kalmasın Hüdâyî alîl
Meded et yâ enîs e küll-i garîb