Gel ey bâğ-ı risâletde gül-i handân olan dilber
Gel ey râh-i besâletde şîr-i meydân olan dilber

Gel ey hûrşîd-i ma’nâ kubbe-i irşâdda bî-hemtâ
Gel ey nûr-i hidâyetde meh-i tâbân olan dilber

Gel ey üstâd-ı kül senden umarlar feyz-i Rabbânî
Bütün ervâh-ı zî-şân cânına cânân olan dilber

Gel ey Ahmed Muhammed Mustafâ muhtâr-ı Mevlâ’sın
Şeb-i Esrâ’da bezm-i vahdete şâyân olan dilber

Gel ey memdûh-i Mevla vâsıfın Perverdigâr olmuş
Sana vassâf olan kimdir rîh-i Rahmân olan dilber

Seni âlemlere rahmet hemân gönderdi bir Allah
Gel ey mihr-i şefâ’at şevkıne zî-şân olan dilber

Ayağın tozuna kurbân olan LUTFÎ’ye rahmeyle
Usât-ı ümmetine zât-ı mihribân olan dilber
Salâtullah Selâmullah
Aleyke Yâ Rasûlallah
Aleyke Yâ Habîballah