Kapundan gayre muhtâc olmayalım
Sen yaratdın yine sen yardım eyle
Han-ı vasle doyur aç olmayalım
Sen yaratdın yine sen yardım eyle
****
Gülşende bülbülü zâr eden sensin
Düşmanı dost edüb yâr eden sensin
Âlemleri yokdan var eden sensin
Sen yaratdın yine sen yardım eyle
****
Cânıma cânanı kimden umayım
Derdime dermânı kimden umayım
Lütfile ihsânı kimden umayım
Sen yaratdın yine sen yardım eyle
****
Sensiz bir kisinin işi bitmedi
Kimse buyruğunsuz gelüb gitmedi
Halk edicek kimse yardım etmedi
Sen yaratdın yine sen yardım eyle
****
Bilmeyenler gayrın nef’i var sandı
Bilicek gayre bakmakdan usandı
Sen esirge HÜDÂYÎ derdimendi
Sen yaratdın yine sen yardım eyle