Beğen
2
Abdullah Tamamlar-Derdi Aşkım Def'ine
Derd-i aşkım def’ine zahmet çeker dâ’im tabîb
Şükr kim olmuş ana zahmet bana râhat nasîb
Bir zebândır şerh-i gam takrîrine her berg-i gül
Eylemez bî-hûde gül gördükde efgân andelib
Bilse zevkim vasldan firkatte efzûn olduğun
Vasldan men’im revâ görmezdi reşkinden rakîb
Ta’n-i gaflettir peri-tal’atlere izhâr-i hâl
Sanma kim ahbâb hâlinden olur gâfil habîb
Âh bilmen n’eyleyim kurtulmak olmaz kayddan
Ben harîf-i sâde-dil hûblar cemâli dil-firîb
Şem’ kurbile tefâhur kılma ey pervâne kim
Hırmen-i ömrün köyer berk-i fenâdan an-karib
N’ola ağlarsa Fuzûlî ravza-i kûyun anıp
Lâ-cerem giryân olur kılgaç vatan yâdın garib
Fuzuli
1Abdullah Tamamlar
Sitemizde sanatçıya ait toplam 50 eser bulunmaktadır. Sanatçının sayfasına gitmek için tıklayın.
Yorumlar
Henüz yorum yapılmamış.