Çeşmimi eşk ile genc-i dür-i meknûn ettin
Merdüm-i çeşmimi ihsân ile Kârûn ettin
Mey-i gül-gûnu dedin akla ziyandır zâhid
Bu mudur akl ki terk-i mey-i gül-gûn ettin
Cânım aldın mey için sâki içirdin bana kan
Dâd elinden ki beni âl ile mağbûn ettin
Hattının âfet-i cân olduğunu bildirdin
Lûtf kıldın ki beni vâkıf-i maznûn ettin
Dil tutar mâr-i ser-i zülfünü vehm eylemeyip
Bilmezem kim ana ta’lîm ne efsûn ettin
Tanımaz oldu beni ta’ne eden ehl-i riyâ
Şükr kim hâlimi ey aşk diğer-gûn ettin
Ey Fuzûlî ne murâd oldu müyesser bilsem
Bunca kim hasret-i lâ’l ile ciğer hûn ettin

Fuzuli