Dururken ‘izzet-i “el-fakru fahrî” mâli neylerler
Gınâ-yı hâl-i gâlib vâr iken şol kâli neylerler

Geyenler İbn Edhem-var ‘aşkın şâlini bir gün
Libâs-ı fâhiri vü hil’at-i iclâli neylerler

Bugün derd ehline derdin mezâkı hoş gelir dilde
Bu şerbetden içenler sükkeri vü balı neylerler

Ebu’l-vakt oldun ise sôfîyâ sâhib-makâm oldun
Ana vâsıl olanlar kâl ile ahvâli neylerler

Muhabbet şehperiyle Hakkıyâ pervâz iden diller
Bu mihnethânede gayrı perr ü bâli neylerler