Görünsün pür-nûr-ı cemâlin yâ Resûlallah
Bürünsün dîde-i dilden celâlin yâ Resûlallah

Bu ‘âlem hüsnüne bir özge mir’ât-i mücellâdır
Görünür çeşm-i Hakk-bînine hayâlin yâ Resûlallah

Yüzündür kesret-i esmâya bir mecmû’a-i kübrâ
Ki remz-i vahdet eyler anda hâlin yâ Resûlallah

Sunulmışdur ezelden Hakkı-i dil-teşneye feyzin
Ebed içse n’ola bu kul zülâlin yâ Resûlallah