Nakş-ı sun’un remzeder hüsnünde rü’yet perdesi
Hâce-i hükm-ü ezeldendir hakîkat perdesi

Sîreti sûretde mümkündür temâşâ eylemek
Hâil olmaz ayn-ı irfâna basîret perdesi

Her neye im’ân ile baksan olur iş âşikâr
Etmiş istilâ cihânı hâb-ı gaflet perdesi

Bu hayâl-i âlemi gözden geçirmekdir hüner
Nice kâre gözleri mahvetdi sûret perdesi

Şem’i aşka yandırıp tasvîr-i cismindir geçen
Âdemi âmed ü şüd etmekde azîmet perdesi

Hangi zılle ilticâ etsen fenâ bulmaz aceb
Oynatan Üstâd’ı gör kurmuş muhabbet perdesi

Dergâh-ı Âl-i Âbâ’da müstakîm ol Kemterî
Gösterir vahdet ilin kalktıkda kesret perdesi