Ey bu gönlüm şehrini bin lütfile âbâd eden
On sekiz bin ‘âlemi bir emr ile îcâd eden

Zât-ı bîçünün mekânlardan münezzehdir senin
Pes seni ya kande bulsun ağlayub feryâd eden

Kasr-ı kurba irgörüb ihsâna mazhar olmağa
‘Âşıka varlık cibâlin kesdirüb Ferhâd eden

Kimseye ölmezden ön göstermeyib dîdârını
İrgörüb bâkî hayâta lîk sonra şâd eden

Sen ‘inâyet sen hidâyet kıl Hüdâyî kuluna
Çünkü sensin her murâda irgörüb irşâd eden