Her umûrunda şehâ ‘aşk ile eyle ibtidâ
Zîra ki ehl-i hakîkat ‘aşka itmiş iktidâ

Kâinâtın cümlesine ‘aşkı akdem kıldılar
‘Aşka yokdur ibtidâ hem âhirine intihâ

“Küllü şey’in hâlikün” illâ ki ‘aşk bâkî-dürür
‘Aşkı rehber idinirsen bulasın her dem hüdâ

‘Aşk ile her kim pazarlık iderse süvâr olur
Günbegün artar nemâsı bulusar andan gınâ

Yâ ilâhî ‘izz ü şânın hürmetiyçün sen bizi
‘Aşka uydur ‘aşka yâr it ‘aşkdan itmegil cüdâ

‘Aşkın ile çün ganîyem ger fakîr isem fakîr
Hem dahi şâh-ı cihânem gerçi oldumsa gedâ

Sûziyâ kimiyâ dilersen ‘aşk ile kâr idegör
‘Aşk ile zer oldu hâkler dahi seng cevher-nümâ