Gülistân-ı hidâyetden düşüp bir gonce-i hamrâ
Cinân-ı câvidânını bezetdi ravza-i ra’nâ

Seâdet silsilesinden yine bir halka-ı tevhid
Reîsi terk edüp dâr-ı fenâyı eyledi ifnâ

Kamer-veş kubbe-i kalbi
münevver eyleyen hursîd
Gurûb etdi o mâh-ı ma’nevî şems-i gurûb-âsâ

Der-i dergâh-ı Mevlâ’da geçip seksen sene ömrü
Penâhî dest-gîr-i hazret-i Allah’a ilticâ

Müsemmâ-yı Muhammed’e eder elbet Hudâ rahmet
Kamu ihvân u ahbâbına merhamet ede Mevlâ

Gönülde yâr-i gãrı hubb-i Mevlâ idi o zâtın
Muhabbet hâmili elbet bulur bir devlet-i vâlâ

Dilerim her dü-âlemde cenâb-ı zü’l-Celâlî’ den
Bu ümmet-i Muhammed’e erişe hikmet-i ma’nâ

MUHAMMED LUTFÎ’yi yâ Rab kerem bahrine gark eyle
Derûn-i gönlünü âb-ı hidâyet eyleye ihyâ