Der-i dergâh-ı dildâre nice dildâdeler vardır
Niyâz-mendân gözü alkan nice üftâdeler vardır

Nice serv-i bülend kametleri dal eyledi bu derd
Bu sahrâ-yı muhabbetde muhabbet-zâdeler vardır

Kemân-ebrûlerin kâküllerin gerdende bend etmiş
Der-i dergâh-ı Mevlâ’da nice şehzâdeler vardır

Ezilmiş ez-ezel meyhâne-i ma’nâda bir bâde
O meyhâne-i ma’nâda nice bin bâdeler vardır

Ezelden mey-keşân sermest olur elbet bu âlemde
O meyin katresine nice bin cândâdeler vardır

Eğer kâl ehli bulsa o meyin metninde esrârı
Görürsün şöhret ü şânın atar üftâdeler vardır

MUHAMMED LUTFÎ’ye Bârî Teâlâ’dan ola ihsân
Olan mest-i müdâm meyhânede âzâdeler vardır