Âşıkların işretgehi dilhânedir vakt-i seher
Bâde-i vahdet katresi kalbe döker dürr ü güher

Mihr-i muhabbet pertevi sâzendelere bahş eder
Bir vâridât-ı ma’nevi zevka gelür ebü’l-beşer

Peymâneleri sâkıyân devre salar meyhânede
Cânlar fedâ etse gerek mestâne var her ne kadar

Sâkî-i nevreste civân ebrû-kemân pervâne-veş
Devrân eder meyhânede hayret eder şems ü kamer

Cismin hayâtı cân ise rûhun hayâtı bâdedir
LUTFÎ bu bâdeyi içen iki cihân görmez keder