Ey nûr-i basar dildeki dildâr seni gözler
Ol zât-ı kadîm dâimî bî-dâr seni gözler

Senden seni ziyâde seven hazret-i Hak’dır
Rahmet nazarı ile o her bâr seni gözler

Tevhîdi ki tâ rûz-i ezel eylemiş ihsân
Muvahhid-i Hak lutf ile Settâr seni gözler

Sen ümmet-i Mahmûd u Muhammed ki bulundun
Muhammed ile hazret-i dîdâr seni gözler

Ümmet-i Muhammed’e hâdim LUTFÎ olursun
Bu devlet-i bâkî ola ebrâr seni gözler