Devr ide ide Halvetî girdâba düşdüler
Çıkdı kenâra Celvetî sirdâba düşdüler

‘Uşşâk ‘uluvv-i himmet ile ‘arşa çıkdılar
Zühhâd-ı dûn mescid ü mihrâba düşdüler

Erbâb-ı nefs hâne-i düşmende kaldılar
Ashâb-ı kalb menzil-i ahbâba düşdüler

Şâhân-ı dehr uçdular evc-i hevâya dek
Dervîşler de külhân-ı pür-tâba düşdüler

Şâd-âb-ı feyz olmaz ise Hakkıyâ derûn
Murgân-ı cân u dil yürü şûr-âba düşdüler