Cân zinde olsa elbet cesedde devrân eyler
Dil zevkı bulsa elbet cemâli seyrân eyler

Muhabbet-i Hudâ yâr olursa dilde dildâr
Nûr-i hidâyeti var gözleri hayrân eyler

Cânânı cân ederse yâr yoluna giderse
Bu derd ile yederse cânını cânân eyler

Bu bâde-i hayâtı içen görmez memâtı
Afvolur seyyiâtı dâreyni cinân eyler

Bâde-i vahdet-i cân verirse sana cânân
Gönülde dürr ü mercân pirleri civân eyler

Aşkın demi cinândır bir cennet-i cânândır
Seâdete şâyândır ikrâmı Ridvân eyler