Sâkiyân-ı bezm-i mey sermestleri şâdân eder
Servi-veş sallandırır mestâneyi merdân eder

Rakseder kâkülleri gerdende şehperler gibi
Seyf-i ebrûler kamer-veş Rüstem’e meydân eder

Mey-keşân neyzenleriyle dest-zen demhânede
Nev-civân sermestler ise zevk ile devrân eder

Dilber-i hurşîd-nümayiş nâz perdâz cilve-ger
Gül ruhi peymâneyi güneş gibi elvân eder

Zülf-i zer ebrû-kemân şimşâd-kâmed nev-resîd
Seyr-i dîdârına müştâk âsumân seyrân eder

Çarh-ı gerdûn bu kadar nazlı nezâketler ile
Perveriş dil goncesine cânını kurbân eder

LUTFİYÂ meh-veşlerin hayrânıdır seyyâreler
Nazar-endâz âşıkânı dillere destân eder