Sırr-ı tevhîd seyridir bak mevc-i ummândan garaz
Zevk-ı dil bulmakdır ancak kesb-i irfândan garaz

Bu Kitâbu’llah bize bildirdi Hakk’ın emrini
Bir hayât-ı câvidândir emr ü fermândan garaz

İhtiyârsız gönlümü verdim güzeller şâhına
Kim eder bu zevkı ihsân seyr-i hûbândan garaz

Ya Bâyezîd-i zemân yâhut Cüneyd-i âlîşân
Yüz yere koymak gerekdir şâh-ı devrândan garaz

LUTFİYÂ ger dilberi dilde dilersen çek elin
Hubb-i mâsivâyı terket lübb-i ihsândan garaz