Lutfî eğer dilersen lutf-i Hudâ’yı her an
Mevcûdât-ı Hudâ’ya kurbân ola ser ü cân

Hâk ol kadem zîrinde sâbit ol yâr derinde
Elde vârın fedâ kıl cânân ola sana cân

Kerem-rûler kerîmdir derd-i dile hakîmdir
Himmetde müstekîmdir eder derdine dermân

Kurbân olam o câna hâmil ola îmâna
Girmiş dârü’l-emâna mülkinde olan sultân

LUTFÎ’ye yâdigârım yâr ola yâr-i gãrım
Sînemdeki şikârım rûz u şeb ism-i Rahmân