Gözde nem başda türâb ü elde bâd u dilde nâr
N’ola bu imdâd ile hâlim benim pâyân-ı kâr

Geçdi ‘ömrüm dün ü gün geh lutf u gahi ‘unf ile
‘Âkıbet bir gün beni bu vaz’ ile yir rûzigâr

Bilmezem ne veche oldu tıyneti rûz-i ezel
Derd ü gam kahr u belâ ile mi itdiler mezâr

Rûzigârın şiddetinden öyle oldum bî-meded
N’eyleyem bî-çâre kaldım bî-dül ü hayrân u zâr

Ey Hayâlî sanma sensin dâr-ı mihnetde yanan
Niçesin yakdı yok itdi hasret ile rûzigâr