Nevâ-yı nâyı gûş eyle bugün şîrîn edâlardan
Muhabbet dersini anla geçüp rûhî fedâlardan

Görün Mansûr-i ber-dârı nedir dermânı bu derdin
Sorun ancak bu esrârı hâtif-i gayb nidâlardan

Amâ âlemine cân at adem mülkin karargâh et
İşit ezkâr-ı eşyayı geçüp sît ü sadâlardan

Gönül bağında gülzâr-ı gülistân-ı hakîkat var
Güneş-veş âlem-i vahdet görüp şem’-i hüdâlardan

Aman LUTFÎ gibi bî-derd olup kalma bu zulmetde
Yarın olur Hudâ’dan dûr olan bugün cüdâlardan