Selâm ism-i şerîfinin tecellîsisin ey kurbân
Muallâ dergeh-i vâlâsına Hak eyledi mihmân

Kulunam kurbanınam ey kerem nehri kerem-şânım
Edüpdür merhamet-kâni seni dergâhına derbân

Dilerim zât-ı pâkinden bizi reddetme kapundan
Ederler bendesin âbâd olan sâhib-kerem ihsân

Nice bin bendegânın var rû-ber-zemîn seni gözler
Eder mi muntazırların nevâsız bahr-i bî-pâyân

MUHAMMED LUTFÎ’dir cân u ciğerden kulu kurbanı
Sana kurbân ola cânım kerem eyle şeh-i devrân