Ey sabâ esrâr-ı aşkı zülf-i yâre söyleme
Ki sakın vakt-i seher bülbül-i zâre söyleme

İhtiyârsız eylemiş zevk-ı derûnî gönlümü
Zevrak-ı dil zevkini Mansûr-i dâre söyleme

O kemân-ebrûlerin tâkına kurbândır bu cân
Zülf-i zer kıykâc-külâh hurşîd-i yâre söyleme

Gül gülistân-ı melâhat serveridir sevdiğim
Iklîm-i Çîn’e varırsan müşg-bâre söyleme

Nâzını mehpârelerin ehl-i muhabbet çeker
Sakla bu cevheri cânda bir nigâre söyleme

Gir derûn-i dilbere vakt-i seher şebnem gibi
Kûh-sârlar çevresinde lâle-zâre söyleme

Gülbe-i gönlünde görsen sâf sâf güller güzel
Şevk-ı iftihâr ile çigninde câre söyleme

Ser-fürû et server-i hûbâne eyle ilticâ
Dil-nişîn ol derdini her gam-küsâre söyleme

Ketm-i esrâr eyle LUTFÎ bâri ağyâr duymasın
Der-i dergâh-ı haremde yâr-i gāra söyleme