Ey şân-ı kerem sâkî bir dem bizi yâd eyle
Bâde-i muhabbetle mahzûn dili şâd eyle

Mestânelerin gözler şerbet-i şifâ senden
Bir şerâb-ı vahdetle derd ehline dâd eyle

Erbâb-ı kerem dâim üftâdelerin gözler
Âşüftelere rahm et ikrâmı murâd eyle

Şerâfeti eşrâfın ihsânla olur zâhir

Şöhret ü şerâfetdir dergâhı güşâd eyle

Kānûn-i kadîmdir erbâb-ı kerem şânı
Gedâlara ver hil’at esîri âzâd eyle

LUTFÎ ne seâdetdir himmetin ola âlî

Harâbları maʻmûr et vîrânı âbâd eyle