Müjde ey dil görünür kûy-i tecellâ gözüme
Lutf u merhamet ile yâr bakıyor bu yüzüme

Ateş-i aşkı olur cân-gâhıma zevk-ı cinân
Dildârım beni dâre çekse hayâtdır özüme

Nîm-nazar eylese dil-hânem olur arş-ı berîn
Ne diler ise yapar râzı oluram yazıma

Beni ol serv-i seher sâyesile perver ede
Niyâzım kabûl ede merhamet ede nâzıma

Bu kerem şân u şerâfâtına elbette sezâ
LUTFİYA bu ne kerem bak kerem-i dil-bâzıma