Ey bu cihanın halkını yoğ iken hem icad eden!
Hem altı günde bu yer ile gökleri bünyâd eden!
Hâkdan yaratıp Ademi hem nutfeden zürriyetin,
Kılıb kimisin enbiya kimisin evrâd eden!
Kimisine iman verirsin cennete koyan onu,
Kimini puta taptırıp düzâhda hem ihlâd eden!
Kimisini uşşak edib hem yandıran aşk nârına,
Kimin ehl-i marifet kimisini ubbâd eden!
Kimin dalaletde koyup tard eyleyen İblis gibi,
Edib hidayet kimine doğru yola irşad eden!
Kimisini kılıb haris mal yığdırıb Karun leyin,
Verib kanaat kimine hoş zumre-i zuhhad eden!
Lutf eyleyip Kuddûsî’ye kılan atâ bu uzleti,
Hem zikr u fikr ile o bîçâre kocayı şad eden!