Nevâ-yı nâyı gûş eyle bugün şîrîn edâlardan
Muhabbet dersini anla geçüp rûhî fedâlardan

Görün Mansûr-ı berdârı nedir dermânı bu derdin
Sorun ancak bu esrârı hâtif-i gayb nidâlardan

‘Amâ ‘âlemine cân at ‘adem mülkin karargâh et
İşit ezkâr-ı eşyâyı geçüp sıyt ü sadâlardan

Gönül bâğında gülzâr-ı gülistân-ı hakîkat var
Güneş-veş ‘âlem-i vahdet görüp şem’-i hüdâlardan

Aman Lutfî gibi bî-derd olup kalma bu zulmetde
Yarın olur Hudâ’dan dûr olan bugün cüdâlardan