Bahâr oldu yine açıldı güller
Murâda bülbül irdiği zamândır
Safâ buldu ferahnâk oldu diller
Sanasın dağlar u bâğlar cinândır

Saçıldı âb-ı rahmet kâinâta
Hayât irişdi eşcâr ü nebâta
Yetişdi her biri tâze hayâta
Basîret ehline günden ‘ayândır

‘Ademden geldi her biri vücûda
Müsebbih hem kıyâm eyler sücûda
Nihâyet yok ‘atâ vü fazl-ı cûda
Hudâ’nın zât-ı pâkinden nişândır

Hüdâyî lutf-ı Hakk’ı fikr idegör
Kemâl-i fazlına hem şükr idegör
Hudâ’yı cân ü dilden zikr idegör
Ki zikr-i Hakk hayât-ı câvidândır