Kandesin kandesin ey kâfile-sâlâr-ı Harem
Acabâ kandedir ol şâhid-i dildâr-ı Harem

Zîb-i destâr-ı niyâz ile eyâ sâhib-i şevk
Câ-be-câ gonce-nümâ oldu çemen-zâr-ı Harem

Bir siyeh câme güzel görmüş idim rü’yâda
Vâkı’a keşf-i cemâl eyledi dîdâr-ı Harem

Her biri Tûr-ı tecellî-i cemâl-i Hakk’dır
Pây-i teşrîf-i risâlet ile kühsâr-ı Harem

Muntazırdır dil-i ‘uşşâk gibi her subh u mesâ
Makdem-i Hazret-i dildir der ü dîvâr-ı Harem

Pertev-i nûr-ı şühûd eyle Rızâ’nın çeşmini
Vâdî-i eymene mânend ider envâr-ı Harem