Ey benim ‘ömrüm kuşu kanda varasın birgün
Ecel avlayup yutar ele giresin birgün

Gelüp göğsüne kona tutuşup cânın yana
Bir kadeh şerbet suna içüp kanasın birgün

Görmeğe gelenleri hâtırın soranları
Sevgili yârânları görmez olasın birgün

Yârânların geleler seni ta’cilleyeler
Soyalar donlarunı ‘uryân olasın birgün

Binüp ağaç atına yanılup Hızr’a tana
Şol kara yir altına gire yatasın birgün

Tap tîmâr eyle tene yarak eyle bu câna
Şol yılana çıyana nasîb olasın birgün

Münker ü Nekir gele hâllerin düşvâr ola
Dilince suâl sora cevâb viresin birgün

Yûnus Emrem n’idesin kaçup kanda gidesin
Erenler sohbetine gelmez olasın birgün