İbtilâ-yı ‘aşkdan Mecnûn olmakdır murâd
Özge bir Leylâ’ya hem meftûn olmakdır murâd

Her zamân bir Yûsuf’un yüzünden ‘arz itmek cemâl
Hazret-i Ya’kûb-veş mahzûn olmakdır murâd

Mâhî-i ‘aşk âdemi iltikâm itmek nedir
‘Arz idüp bahr-i gama Zünnûn olmakdır murâd

Çarh-ı şekl-i âsiyâb olmaz nedir fikr it dakîk
Habbe-veş tahtında anın un olmakdır murâd

Hakkıyâ halk eylemekden ins ü cânnı ol Hudâ
Râm-ı emr-i hâlık-ı bî-çûn olmakdır murâd