Kılmış esir gönlümü bir şâh-ı mâh-ı pâye
İnşâf-ı bi-bedâye yok cevrine nihâye

Pend eyleyip dünü gün söylerdim ey dil ey dil
Âzâdelik istersen aldanma dil-rübâye

Ey bâd-ı saba benden sor hâtır-ı şerifin
Olsan da tesliyet-bahş vardıkça hâk-i pâye

Beyhûde ta’n olunmaz ol mübtelâya zirâ
Hamd ile kimse vermez dil nâvek-i kazâya

Olduk fenâda Müştâk ol çeşm ü haddu hâle
Allah sabır versin derd u ğam u belâye