Gel ey çeşmim bu gafletden
Recâ kıl Hakk’a bîdâr ol
Selâmet bul her ‘illetden
Hudâ derdiyle bîmâr ol

Vâr iken anda bu sîne
Varuban irmedin sine
Hevâ-yi sû-i nefsine
Riyâzatla sitemkâr ol

Giceler eyle feryâdı
Dile Mevlâ’dan imdâdı
Bulasın tâ kim irşâdı
O bülbül gibi pür-zâr ol

İşitme nutk-ı ağrâzı
Gönülden cehlin emrâzı
Gide yalvar o feyyâzı
Devâ-yı ‘aşkla tîmâr ol

Dimem ben nefsine bâsıl
Didi Gurbî budur hâsıl
Dilersen olmağa vâsıl
Talebde dur be-dîdâr ol