Yâ ilâhî şem’-i hüsnündür yakan pervâneyi
Keşf-i sırrındır bugün hayrân iden dîvâneyi

Bâde-i feyzin içirdin bezm-i hâssında dile
Şöyle kim fark eylemez hüşyârla mestâneyi

Hirmen-i cûdun harîminde döner bu mürg-ı dil
Cem’ ider andan tamâm olunca ‘ömrü dâneyi

Bir tecellîden yanar kandîl-i cânım subha dek
Nola ger teşrîf idersen gicede gam-hâneyi

Hakkıyâ tıfl-i dile şîr ister isen her nefes
Feyz-i akdesden bulursun bulur isen âneyi