Ey Resûl-i sâhibü’l-âyât u ehl-i mu’cize
Kudret-i tasdîk bahş iden derûn-i ‘âcize

Rütbe-i Rûhu’l-Kuds’den berter oldun bin kadem
Feyz-i enfâs-ı Hudâ’dan nefh-i rûh it sen bize

Reşha-i feyz-i şefâ’atle dili tebrîd kıl
Şol nefes kim tâb-ı kahr-ı Hakk ile yüzler kıza

Râh-ı şer’in doğru yoldur menzil-i vasl-ı Hakk’a
Vây ana kim basmaya sen gitdiğin doğru ize

Eyle bahr-i feyzden imdâd bu Hakkı kula
Tâ ki na’tin riştesine kıymetî dürler dize