Mudga-i sugrâya sığdı hâlet-i kübrâ-yı dil
Lâle-i hamrâya düşdü habbe-i sevdâ-yı dil

Cûd-ı Hakk’dan mevc-hîz oldukça bâd-ı hoş nefes
Cünbüşünden anda gevher-rîz olur deryâ-yı dil

Tengdir ‘arş-ı berînin sûreti sırr-ı dile
Harf u lafza nice güncâyiş bulur ma’nâ-yı dil

Dil Süleymân-ı cihân-ı ma’rifetdir şübhesiz
Maşrık u mağrib arası doludur âlây-ı dil

Zerresi sad mâhdan enver görünür Hakkıyâ
Böyle olsun olıcak mihr-i cihân-ârâ-yı dil