Gam-ı aşkınla nâlânım meded kıl yâ Ebe’d-Derdâ
Esir-i bend-i zindanım meded kıl yâ Ebe’-d-Derdâ

Beni mest ü harab eyle rahîk-ı câmı aşkından
Dem-â-dem zâr ü giryânım meded kıl yâ Ebe’d-Derdâ

Sen ol rûh-ı mukaddessin nevâ-yi feyz-i aşkından
Senin aşkınla sûzanım meded kıl yâ Ebe’d-Derdâ

Mahabbet merkezinde sen reis-i ehl-i irfansın
Dem-â-dem mest-i hicranım meded kıl yâ Ebe’d-Derda

Kerem kıl feyz-i lûtfundan dem-â-dem Şevket’i şâd et
Garîk-ı bahr-i isyanım meded kıl yâ Ebe’d-Derdâ.